Ezequiel Garay | |||
---|---|---|---|
Garay xogando co Zenit en 2015. | |||
Información persoal | |||
Nome | Ezequiel Marcelo Garay González | ||
Nacemento | 10 de outubro de 1986 (37 anos) | ||
Lugar de nacemento | Rosario | ||
Altura | 1,89 m. | ||
Posición | Defensa central | ||
Información de club | |||
Club actual | Valencia | ||
Número | 24 | ||
Carreira xuvenil | |||
Newell's Old Boys | |||
Carreira sénior | |||
Anos | Equipos | Aprs | (Gls) |
2004–2005 | Newell's Old Boys | 14 | (1) |
2005–2008 | Racing Santander | 60 | (12) |
2008–2011 | Real Madrid | 31 | (1) |
2008–2009 | → Racing Santander (cedido) | 24 | (2) |
2011–2014 | Benfica | 78 | (9) |
2014–2016 | Zenit San Petersburgo | 50 | (3) |
2016– | Valencia | 1 | (1) |
Selección nacional | |||
2008 | Arxentina sub-23 | 9 | (0) |
2007– | Arxentina | 32 | (0) |
Na rede | |||
Partidos e goles só en liga doméstica. Club: actualizado a 11 de setembro de 2016. Selección: actualizado a 9 de outubro de 2015. | |||
Ezequiel Marcelo Garay González, nado en Rosario o 10 de outubro de 1986, é un futbolista profesional arxentino que xoga de defensa central no Valencia CF. Ademais, é internacional coa selección da Arxentina.
Garay debutou profesionalmente con 18 anos no equipo da súa cidade natal, o Newell's Old Boys. En decembro de 2005 chegou á Primeira División Española ó fichar polo Racing de Santander, onde axudou ó equipo a manter a categoría. Na súa primeira tempada enteira en Santander, anotou 9 goles en 31 partidos, sendo o segundo defensa máis anotador de Europa, tan só por detrás de Marco Materazzi do Inter de Milán, que anotou 10 goles.
O 18 de maio de 2008, Garay deixou o Racing e fichou polo Real Madrid, pero foi cedido ó Racing de novo esa mesma tempada. Garay volveu á seguinte tempada e fixo o seu debut co Real Madrid no primeiro partido contra o Deportivo da Coruña, na vitoria do Real Madrid por 3-2.
O 5 de xullo de 2011, Garay foi traspasado ó SL Benfica a cambio de 5.5 millóns de euros, e asinou un contrato de catro anos co equipo portugués.
O 25 de xuño de 2014, o Benfica vendeu a Garay ó Zenit San Petersburgo a cambio de 6 millóns de euros.